వివాహిత జంటలు ఉమ్మడిగా ఆస్తిని కలిగి ఉండటం వల్ల కలిగే 6 ప్రయోజనాలు

జీవిత భాగస్వామితో ఉమ్మడిగా ఆస్తిని కలిగి ఉండటం వలన మెరుగైన హోమ్ రుణ నిబంధనలు, తక్కువ స్టాంపు డ్యూటీ, పన్ను ప్రయోజనాలు, సులభమైన వారసత్వం మరియు మరెన్నో లాంటి అనేక ప్రయోజనాలను అందిస్తుంది. ప్రయోజనాల గురించి మరింత తెలుసుకోవడానికి చదవడం కొనసాగించండి.

ఔత్సాహిక స్థిరాస్తి కొనుగోలుదారులు వారి కొనుగోలు ఖర్చును తగ్గించుకోవడానికి డబ్బును ఆదా చేస్తూ, ఒక సొంతిల్లు కొనుగోలు చేసేందుకు మార్గాలను అన్వేషిస్తారు. బ్రోకరేజ్ విధానంలో కాకుండా నేరుగా విక్రేతను సంప్రదించడం, పన్ను ప్రయోజనాలను క్లెయిమ్ చేసేందుకు హోమ్ లోన్ తీసుకోవడం లేదా కొన్ని ఆర్థిక ప్రయోజనాలను పొందేందుకు ఆస్తిలో సహ-యజమానిని కలిగి ఉండటం లాంటివి అనుసరిస్తారు. ఈ సదుపాయంతో వచ్చే అనేక ప్రయోజనాల కారణంగా నేడు వివాహిత జంటలు ఉమ్మడిగా ఒక ఇంటిని కొనుగోలు చేస్తున్నారు.

ఎందుకంటే, చాలా మందికి ఈ ప్రయోజనాల గురించి తెలియదు. వివాహిత జంటలు ఉమ్మడి ఆస్తి కొనుగోలును ఎందుకు పరిగణించాలి అనేది మీకు వివరంగా తెలియజేస్తాము:

1. పన్ను ప్రయోజనాలు

ఇద్దరి పేర్లతో రిజిస్టర్ చేసిన ఆస్తిపై జాయింట్ హోమ్ లోన్ తీసుకునే జంటలకు పన్ను రాయితీ లభిస్తుంది. ఆదాయపు పన్ను చట్టంలోని సెక్షన్ 80c ప్రకారం, ఉమ్మడి గృహ రుణంలో సహ-రుణగ్రహీతలు అసలు చెల్లింపుపై 1.5 లక్ష వరకు మినహాయింపును క్లెయిమ్ చేయవచ్చు. అంతేకాకుండా సెక్షన్ 24 ప్రకారం, సహ-రుణగ్రహీతలు ఇద్దరూ వడ్డీ చెల్లింపులపై 2 లక్షల వరకు పన్ను ప్రయోజనాన్ని పొందవచ్చు. వారు 1.5 లక్ష వరకు స్టాంప్ డ్యూటీ మరియు రిజిస్ట్రేషన్ ఫీజు మినహాయింపును క్లెయిమ్ చేయవచ్చు.

ఉమ్మడిగా ఆస్తిని కలిగి ఉన్నప్పుడు ప్రతి సహ-రుణగ్రహీత హోమ్ లోన్‌ వడ్డీ రేట్లపై పన్ను ప్రయోజనాలను అందుకుంటారు. ఈ డబుల్ పన్ను మినహాయింపులతో జంట మరింత డబ్బు ఆదా చేసుకోవచ్చు.

తప్పక చదవండి: జాయింట్ హోమ్ లోన్ పై పన్ను ప్రయోజనాలను ఎలా పొందాలి?

2. రాయితీ ఇవ్వబడిన స్టాంప్ డ్యూటీ ఛార్జీలు

మీరు మీ భార్యతో ఉమ్మడిగా ఒక ఆస్తిని కొనుగోలు చేస్తే, స్టాంప్ డ్యూటీ ఛార్జీలు 1-2% వరకు తగ్గించబడతాయి. దేశంలో మహిళలకు సాధికారత కల్పించేందుకు, మహిళల ఇంటి యాజమాన్యాన్ని ప్రోత్సహించేందుకు భారత ప్రభుత్వం ఈ చర్యను తీసుకుంది. అనేక భారతీయ రాష్ట్రాల్లో స్త్రీలకు స్టాంప్ డ్యూటీ ఛార్జీలు పురుషుల కంటే కొంత శాతం వరకు తక్కువగా ఉన్నాయి.

3. మెరుగైన అర్హత మరియు రుణ నిబంధనలు

అనేక ఆర్థిక సంస్థలు సాధారణ హోమ్ లోన్ అర్హత ప్రమాణాలను కలిగి ఉంటాయి, వాటిలో తక్కువ హోమ్ లోన్ డాక్యుమెంట్ల అవసరం మరియు మహిళా దరఖాస్తుదారులకు హోమ్ లోన్ వడ్డీ రేట్ల పై రాయితీ లాంటివి ఉంటాయి. ఈ అనుకూలమైన పరిస్థితులు అనేవి బడ్జెట్ అనుకూలమైన ఇఎంఐలు మరియు క్రమబద్ధమైన రీపేమెంట్ షరతులతో మహిళలకు గృహ రుణాలను సులభంగా అందుబాటులో ఉంచుతాయి.

4. స్థోమతకు తగినట్లు

ఇటీవ‌ల ఇళ్ల ధ‌ర‌లు విపరీతంగా పెరిగాయ‌న్న విష‌యాన్ని మనం కొట్టిపారేయలేం. ఈ రోజుల్లో చాలా మంది వివాహిత జంటలు ఉమ్మడిగా హోమ్ లోన్ కోసం అప్లై చేస్తారు, ఎందుకంటే ఇది రెండు సహ-దరఖాస్తుదారుల ఆదాయాలను మిళితం చేస్తుంది, ఫలితంగా చాలా సులభంగా అధిక రుణం మంజూరు చేయబడుతుంది. అంతేకాకుండా, రుణం చెల్లింపు భారాన్ని ఒకే వ్యక్తి కాకుండా ఇద్దరు భాగస్వాములు పంచుకుంటారు. ఉమ్మడి ఆస్తి రిజిస్ట్రేషన్ అనేది రెండు పార్టీలకు అదనపు ప్రయోజనాలను అందిస్తుంది.

5. ఏ ఇబ్బంది లేని వారసత్వం

ఇంటి యజమాని మరణించిన తర్వాత, ఆస్తి బదిలీ అనేది పరిష్కరించేందుకు అత్యంత కఠినమైన సమస్యలలో ఒకటి. అనేక నియమాలు మరియు నిబంధనలతో ఈ ప్రక్రియ కాస్త కఠినంగా ఉంటుంది. ఏకైక యాజమాన్యంతో కూడిన ఆస్తిని బదిలీ చేయడం అనేది ఒక సమయం తీసుకునే సుదీర్ఘమైన ప్రక్రియ. అయితే, జీవిత భాగస్వామితో ఉమ్మడిగా ఆస్తిని కలిగి ఉండటం వల్ల ఈ అవరోధాలను మరియు భవిష్యత్తులో సమస్యలను నివారించవచ్చు.

6. ప్రత్యక్ష ప్రయోజనాలకు మించి

ఉమ్మడిగా ఆస్తిని కలిగి ఉండటం వల్ల కలిగే ఆర్థిక ప్రయోజనాలను పక్కన పెడితే, ఇది ఒక సంతోషకరమైన జీవిత భాగస్వామ్యానికి నిదర్శనంగా ఉంటుంది. ఇది వారికి ఒక స్వర్గధామంగా ఉంటుంది, ఒకరిపై ఒకరి నమ్మకాన్ని మరింత బలపరుస్తుంది. విషయాలను ఎంత ఎక్కువగా పంచుకుంటే, ఆ జంటలో ఒకరిపై ఒకరికి ప్రేమ, గౌరవం అంత ఎక్కువగా పెరుగుతుంది. ఉమ్మడి ఆస్తి యాజమాన్యం అనేది పన్నులు, వడ్డీ రేట్లు మరియు స్టాంప్ డ్యూటీపై ఆ జంట డబ్బును ఆదా చేస్తుంది.

తప్పక చదవండి: జాయింట్ హోమ్ లోన్ తీసుకోవడం వల్ల కలిగే 6 ప్రయోజనాలు

ముగింపు

ఉమ్మడి ఆస్తిని కలిగి ఉండటం వలన కలిగే ప్రయోజనాల గురించి తెలుసుకున్న తర్వాత, సాధారణంగా వివాహిత జంటలు ఆస్తిని ఏకైక యాజమాన్యంగా కొనుగోలు చేయడాన్ని పరిగణించరు. ఈ ప్రయోజనాలన్నింటినీ పొందేందుకు జీవిత భాగస్వామితో సహ-యాజమాన్యాన్ని ఎంచుకోవాలని సూచించడమైనది. అర్హతగల రుణ మొత్తాన్ని నిర్ణయించేందుకు హోమ్ లోన్ అర్హత క్యాలిక్యులేటర్ ఉపయోగించండి మరియు సకాలంలో రీపేమెంట్ ప్లాన్ చేసుకోవడానికి హోమ్ లోన్ ఇఎంఐ క్యాలిక్యులేటర్‌ను ఉపయోగించండి.